Rreze Pro
63%
4.1 Objekti i veprimtarisë së Shoqërisë konsiston në ushtrimin e aktiviteteve të përcaktuara si më poshtë: - Realizimin e projekteve ndërtimore industriale, rezidenciale, turistike, infrastrukturore, civile dhe të tjera, duke përfshirë realizimin e investimeve dhe/ose punimeve ndërtimore, punime të brendshme dhe të jashtme, si dhe zbatimin e tyre sipas projekteve të ndryshme teknike. - Veprimtari në fushën e menaxhimit të pasurive të paluajtshme, përfshirë administrimin e bashkëpronësisë, dhënien dhe marrjen me qira, si dhe ndërmjetësimin për qira dhe/ose shitje të njësive të veçanta, grupeve të njësive, objekteve dhe komplekseve të destinuara për funksione rezidenciale, turistike, komerciale apo të tjera. - Investime në fushën e ndërtimit, projektimit dhe pasurive të paluajtshme në të gjitha format e lejuara nga ligji, drejtpërdrejt dhe/ose në partneritet, duke përfshirë investime të realizuara përmes financimit nga palë të treta, institucione financiare, fonde investimesh apo forma të tjera financimi. - Shërbime konsulence në fushën financiare, në fushën e ndërtimit dhe projektimit, konsulencë ligjore në përputhje me legjislacionin në fuqi, si dhe konsulencë në fusha të tjera që lidhen me veprimtarinë tregtare dhe investuese të saj.