Adriatic Horizon Capital
63%
Objekti i veprimtarisë së Shoqërisë do të jetë kryerja e çdo aktiviteti të ligjshëm sipas legjislacionit shqiptar, dhe në veçanti, por pa u kufizuar si vijon: 5.1 Shoqëria do të ushtrojë veprimtari në fushën e konsulencës strategjike, financiare dhe tregtare, duke ofruar shërbime këshillimore, analiza tregu, studime fizibiliteti, asistencë për strukturimin dhe koordinimin e transaksioneve, analizë financiare, përgatitje të planeve të biznesit, pasqyra të flukseve të parasë, memorandume të investimeve, monitorim projektesh dhe koordinim me palë të treta, në lidhje me investime në pasuri të paluajtshme, turizëm, hoteleri, struktura të tjera akomoduese apo rikreacion, si dhe me projekte të tjera alternative investimi në funksion apo të lidhura me pasuri të paluajtshme në Shqipëri dhe jashtë saj. 5.2 Shoqëria mund të ofrojë gjithashtu shërbime kërkimore, analiza tregu, due diligence komerciale dhe operacionale, strukturim të transaksioneve, vlerësime financiare dhe monitorim të investimeve për investitorë institucionale, fonde investimi, administrues të fondeve apo platformave të investimit dhe/ose subjekte të tjera në sektorin e pasurive të paluajtshme. 5.3 Shoqëria do të ushtrojë aktivitet ekskluzivisht në natyrë këshillimore dhe mbështetëse dhe nuk do të kryejë veprimtari të rregulluara financiare dhe, ndër të tjera, administrim fondesh, administrim portofoli apo i rrisqeve të tyre, brokerim, shërbime depozitari ose shërbime të tjera investimesh të rregulluara apo nuk do të ushtrojë tagra vendimmarrje mbi investimet ose shërbimet e rregulluara të lidhura me to. 5.4 Në përputhje me legjislacionin shqiptar, në mënyrë që të realizohet objekti i mësipërm i veprimtarisë, Shoqëria mund të kryejë çdo transaksion financiar, tregtar, pasuror dhe civil. 5.5 Shoqëria mund të kryejë çdo aktivitet tjetër të nevojshëm apo të dobishëm të lejuar nga ligji për qëllim të ushtrimit të veprimtarisë së saj tregtare. Shoqëria mund të kryejë edhe aktivitete ndihmëse, të cilat mbështesin dhe përkojnë me arritjen e qëllimit të veprimtarisë së saj, në përputhje me legjislacionin e zbatueshëm.