Worldmed
NIPT: M53630201E · ElbasanAL63%
Shoqëria do të ushtrojë veprimtarinë e saj në fushën e turizmit mjekësor, duke ofruar dhe organizuar shërbime shëndetësore për pacientë vendas dhe të huaj, përfshirë trajtime dentare, implantologji orale, implantologji flokësh, kirurgji rinoplastike, kirurgji estetike, trajtime estetike jo- invazive si filler dhe botox, hijama, si dhe shërbime laboratorike dhe analiza mjekësore. Shoqëria do të ushtrojë aktivitet në fushën e laboratorit dentar, duke kryer prodhimin e punimeve dentare ortopedike fikse dhe të lëvizshme, frezim titani dhe zirkoni, përpunim dhe prodhim CAD/CAM, si dhe eksportimin e punimeve dentare dhe laboratorike drejt klinikave dhe subjekteve shëndetësore brenda dhe jashtë territorit të Republikës së Shqipërisë, veçanërisht në tregjet europiane. Shoqëria do të ofrojë shërbime marketingu dhe komunikimi, duke përfshirë menaxhimin e zyrave të marketingut, ofrimin e shërbimeve Call Center, asistencën ndaj klientëve dhe promovimin e produkteve dhe shërbimeve të veta ose të palëve të treta. Shoqëria do të ushtrojë aktivitet në fushën e importit, eksportit, tregtimit dhe prodhimit të produkteve dhe pajisjeve dentare dhe mjekësore, duke përfshirë prodhimin e poltronave dentare, scanner-ave intraoralë, silikoneve dentare, implanteve dentare dhe komponentëve implantologjikë, suturave, kolagjenit dhe membranave të kolagjenit, pajisjeve dhe frezave CAD/CAM, tavolinave të laboratorëve dentarë, mobiljeve për klinika dentare, frezave dentare, masave silikoni, lugëve plastike dhe metalike për marrje masash, instrumentave dentarë dhe kirurgjikalë, si dhe prodhimin e kockës sintetike ose hidroksiapatitit, përfshirë atë të përfituar nga koralet e detit, në përputhje me legjislacionin në fuqi. Shoqëria do të krijojë dhe administrojë struktura për zhvillimin e trajnimeve dhe kurseve profesionale në fushën mjekësore dhe dentare, duke ofruar trajnime praktike mbi cadavra dhe mbi pacientë të gjallë, si dhe duke kryer importin e cadavrave për qëllime universitare, kërkimore dhe profesionale, në përputhje me legjislacionin përkatës. Shoqëria do të projektojë, ndërtojë, pajisë dhe operojë struktura të dhomave të pastra (Cleanroom), duke përfshirë cleanroom të kategorisë ISO 8 për paketim dhe ISO 7 për zona laboratorike, instalimin dhe mirëmbajtjen e sistemeve të filtrimit HEPA, FFU dhe HVAC, përdorimin dhe tregtimin e materialeve të paketimit, kryerjen e validimeve sipas standardit ISO 14644, si dhe hartimin dhe zbatimin e procedurave standarde operative për pastrim, sanitizim dhe montim.
