- Main Activity
- Objekti i veprimtarisë ekonomike të shoqërisë së thjeshtë është: a) Ofrimi i shërbimeve të këshillimit juridik, asistencës ligjore dhe përfaqësimit ligjor të personave fizikë dhe juridikë, vendas dhe të huaj, në gjykimet civile, tregtare, administrative dhe penale, si dhe para gjykatave të të gjitha shkallëve, përfshirë Gjykatën e Lartë, Gjykatën Kushtetuese, si dhe para organeve të prokurorisë, organeve të hetimit, organeve të arbitrazhit, institucioneve shtetërore dhe çdo organi tjetër publik ose privat, shqiptar ose të huaj; b) Përfaqësimi dhe mbrojtja ligjore në çështje penale, në të gjitha fazat e procedimit penal, duke përfshirë fazën e hetimit paraprak, gjykimit, apelimit dhe ekzekutimit të vendimeve penale, si dhe në procedura të posaçme penale, sipas legjislacionit në fuqi; c) Hartimi, shqyrtimi dhe negocimi i kontratave, marrëveshjeve, akteve juridike dhe dokumentacionit ligjor të çdo lloji, përfshirë fushat e së drejtës civile, tregtare, administrative, familjare, të punës, fiskale, bankare, financiare, doganore, të pasurive të paluajtshme, të pronësisë intelektuale dhe industriale, etj.; d) Ofrimi i shërbimeve ligjore në fushën e së drejtës së shoqërive tregtare, përfshirë themelimin, organizimin, administrimin, ristrukturimin, bashkimin, ndarjen dhe likuidimin e shoqërive tregtare, si dhe asistencë ligjore në transaksione tregtare dhe investime; e) Ofrimi i asistencës ligjore dhe përfaqësimit në procedurat e prokurimit publik, duke përfshirë fazën e përgatitjes dhe paraqitjes së aplikimeve/ofertave, ndjekjen e procedurave pranë autoriteteve kontraktore, paraqitjen e ankesave administrative dhe përfaqësimin në organet kompetente, përfshirë Komisionin e Prokurimit Publik dhe gjykatat përkatëse; f) Ofrimi i asistencës ligjore në koncesione, partneritete publike-private (PPP) dhe kontrata të tjera publike, duke përfshirë këshillimin juridik gjatë fazës së aplikimit, negocimit, lidhjes, zbatimit, ndryshimit dhe zgjidhjes së këtyre kontratave, si dhe përfaqësimin në mosmarrëveshje të lidhura me to; g) Përfaqësimi dhe asistenca ligjore në procedura ekzekutive, procedura falimentimi, riorganizimi dhe likuidimi; h) Ofrimi i shërbimeve të ndërmjetësimit dhe formave të tjera të zgjidhjes alternative të mosmarrëveshjeve, në përputhje me legjislacionin përkatës; i) Kryerja e studimeve, analizave, opinioneve ligjore dhe ofrimi i trajnimeve dhe konsulencës juridike për subjekte publike dhe private, në masën e lejuar nga legjislacioni në fuqi dhe rregullat e profesionit të avokatit; j) Çdo veprimtari tjetër e ligjshme, ndihmëse ose plotësuese, që lidhet drejtpërdrejt ose tërthorazi me objektin e veprimtarisë tregtare dhe që lejohet nga legjislacioni shqiptar.
