- Main Activity
- • Shoqëria ushtron aktivitete në fushën e vlerësimit të konformitetit të produkteve, shërbimeve ose sistemeve të menaxhimit të ndryshme, përfshirë por pa u kufizuar në certifikimin e produkteve, pajisjeve, instalimeve dhe personelit, inspektimin, testimin, kontrollin teknik, auditimin, verifikimin dhe vlerësimin e përputhshmërisë me standardet kombëtare dhe ndërkombëtare, si dhe verifikimin e instrumenteve dhe sistemeve matëse ligjërisht të kontrolluara. • Shoqëria ushtron veprimtari në fushën e sigurisë dhe shëndetit në punë, duke përfshirë vlerësimin e rrezikut në punë, testimin dhe kontrollin e mjeteve, pajisjeve, impianteve, makinerive dhe aparateve me rrezik të shtuar, testimin e mjedisit të punës dhe të faktorëve fizikë, kimikë e biologjikë, hartimin e studimeve dhe planeve të mbrojtjes në punë, si dhe ushtrimin e funksionit të koordinatorit për sigurinë gjatë projektimit dhe ndërtimit. Shoqëria ofron persona me aftësi të kufizuara, duke përfshirë kontrollin fillestar, periodik, përfundimtar, individual, në situata të jashtëzakonshme dhe për përmirësimin e sigurisë, si dhe verifikimin e kualifikimit profesional të mirëmbajtësve. • Në fushën e mbrojtjes nga zhurmat, Shoqëria kryen matje, parashikime dhe vlerësime të niveleve të zhurmës, përgatit harta zhurmash dhe plane veprimi, studime për mbrojtjen dhe reduktimin e zhurmave, matje të izolimit akustik dhe aplikim të zgjidhjeve mekanike ose elektronike për kufizimin e tyre. • Shoqëria përgatit dokumentacion teknik për makineri dhe impiante industriale e termoteknike, projekton instalime elektrike dhe mekanike, sisteme sigurie dhe sisteme industriale. • Shoqëria ushtron veprimtari tregtare, përfshirë shitblerje, import, eksport, distribucion dhe furnizim mallrash dhe pajisjesh (me përjashtim të rasteve kur legjislacioni kufizon konfliktin e interesit në veprimtarinë e vlerësimit të konformitetit), si dhe zhvillim, mirëmbajtje dhe tregtim të zgjidhjeve software, sistemeve të teknologjisë së informacionit, pajisjeve fiskale dhe shërbimeve telekomunikacioni. • Shoqëria mund të organizojë trajnime, seminare, kurse profesionale, auditime dhe shërbime konsulence në të gjitha fushat e mësipërme. • Për realizimin e objektit të saj, Shoqëria mund të kryejë çdo aktivitet tjetër të ligjshëm që lidhet drejtpërdrejt ose tërthorazi me qëllimin e saj, të marrë pjesë në tendera dhe punime publike, të krijojë degë ose përfaqësi brenda dhe jashtë vendit, si dhe të ketë interesa apo pjesëmarrje në shoqëri të tjera, konsorciume apo subjekte të themeluara ose në themelim e sipër, me objekt të njëjtë, të ngjashëm ose që i shërben realizimit të objektit të saj. • Shoqëria ushtron veprimtarinë e saj në përputhje me legjislacionin në fuqi dhe, kur kërkohet, mbi bazën e lejeve/licencave, autorizimeve, akreditimeve ose miratimeve përkatëse nga autoritetet kompetente.
